有性趣：識對話情趣娃娃

美國情趣娃娃銷售及定製網站SexDolls.com嘅老闆Alexis，早前接受英國媒體訪問時，深信AI技術肯定會用於製作情趣娃娃上，因為佢哋已經計劃推出使用大型語言模型，即係ChatGPT嘅情趣娃娃。佢表示一直以嚟唔少客戶都會加錢喺情趣娃娃嘅頭部加裝發聲系統，等佢哋會發出叫床聲，但係講到玩樂投入度嘅話，始終唔及能跟對話嘅情趣娃娃咁好。不過Alexis稱AI化情趣娃娃係長遠嘅目標，而短期目標係可按客戶嘅需要，製作出臀部及下巴均可活動嘅情趣娃娃外，更會提升佢哋嘅防水度並減輕重量。Alexis表示有啲客戶希望能跟情趣娃娃一齊沖涼，但擔心防水性之餘，亦覺得現時以鋼質骨架製成嘅情趣娃娃太重，帶出街好唔方便。