有性趣：CG美女異軍突起

近年興起一股AI熱潮，除咗有電腦程式用AI為大家解決問題，亦可以用AI炮製與真人歌手聲線幾可亂真嘅歌聲，而呢種虛擬熱潮仲吹到去日本AV界添！

最近喺日本一個AV銷售網嘅VR作品排行榜當中，可以見到《次元現役美少女！Eighteen放課後電擊！》奪得第一名位置，演出嘅女優唔係真人，而係CG美女「次元愛里」。佢喺作品中嘅演出同AV女優一樣，動作仲好熟練，原因係同一位女優參與製作有關。據講，次元愛里係套用咗巨乳AV女優有岡美羽嘅床上動作，所以像真度咁高，而美羽仲喺社交網發文表示，好高興可以參與幕後動作添！不過，如果CG美女愈來愈多又愈來愈受歡迎，真人女優係咪會無晒價值呢？呢一點值得業界同女優們深思一下喇！