有性趣：自娛有助改善失眠？

英國線上情趣用品網站MegaPleasure嘅性學專家Charlotte Johnson表示，喺早前嘅網絡大數據中，發現關於「性健康」嘅搜尋量增加咗151%，顯示愈嚟愈多人關注性愛與健康。佢表示自娛唔單止能為人帶嚟性快感，更具有減輕壓力同焦慮、改善睡眠質量，及起到增強免疫系統功能等作用，而對女士嚟講，更可減輕經前綜合症，甚至緩解經痛添！不過Charlotte提醒使用情趣玩具自娛嘅女士，喺使用震動器後要注意衞生，因為有唔少女士使用完之後，只用紙巾或濕紙巾拭抹便算，而正確嘅清潔方法係用性質溫和嘅番梘及溫水清潔。此外，使用震動器時，宜加上潤滑劑以減少身體嘅不適感。