有性趣：非比尋常八爪魚

早排一位匿名男子喺美國網絡社區Reddit向網民請教有咩方法可以修補友情，於是有人好奇問佢點樣得罪對方，結果引嚟唔少討論。話說匿名男之前同成班朋友去咗一位女性朋友嘅屋企開派對，無意中喺對方書枱上睇到一件粉紅色小擺設，成隻八爪魚咁款，好奇之下攞上手玩，發現呢件嘢有開關掣，撳落去會識得震，底部嘅圓盤又會係咁轉，放上手仲有啲吸力添，於是佢拎住呢隻八爪魚同女友人講未見過咁特別嘅按摩器，對方嬲到差啲要即刻趕佢走……查實呢隻八爪魚叫「Octopus Sucking Vibrator」，係一件情趣玩具，用嚟吸啜女性嘅乳點同私處。貼文一出，自然被網民恥笑，仲話佢唔識得尊重他人私隱，搞到匿名男勁無癮，所以話，手多多真係好易惹出禍！