宅男天地：性感戰衣誘惑

乜嘢叫做電玩經典？就係作品推出超過10年，當中嘅角色至今不但仍人氣十足，仲不斷有新模型推出，講緊就係呢套由Idea Factory製作，喺2010年8月推出嘅遊戲《超次元戰記戰機少女》，當中嘅美少女角色模型長出長有，其中就有女主角妮普禔努嘅模型。

話晒佢嘅模型出過唔少，故此喺呢個新登場作中，模型廠決定搞搞新意，將令佢變成一位性感迷人嘅夜之女。話佢係夜之女嘅原因，因為佢今次以性感喱士透視睡衣，加上吊帶絲襪造型登場，夜色味道滿瀉。至於性感迷人，睇吓佢件透視睡衣下，若隱若現嘅火辣身材就知道，仲有激凸嘅車頭燈加上渾圓美股，從邊個角度欣賞都會被佢玲瓏浮凸嘅身材所吸引。呢個造型相對佢喺原作中嘅設計，性感度真係冇得比呀！