有性趣：搭上老婆閨密點收科？

享受肉慾之歡

英國兩性及夫妻關係專家Jane O'Gorman，早前發文分享最近一宗求助個案，當中男士稱老婆因工作關係經常出遠門，更試過去美國公幹3個月，期間佢唔止搭上老婆閨密，仲話一刻都冇諗過老婆，甚至老婆開門返嚟時，至知對方已完成工作。佢坦言跟閨密有共識，大家只係純粹肉慾之歡，因此令佢發現自己享受刺激嘅男女關係，亦令佢更肯定自己唔再愛老婆。最近老婆話想賣咗英國間屋，移民去葡萄牙展開新生活，佢唔知點樣拒絕。Jane O'Gorman分析其實老婆已感覺到婚姻亮紅燈，先至提出想嚟個新開始，故此勸男士唔使咁急離婚，應諗吓自己有乜做錯，同埋彼此有冇可能達成某啲承諾或妥協。講到尾，大家覺得呢段關係有冇得掹？