有性趣：「衝紅燈」有原因

早前美國網絡社區Reddit有人發文，問男士有冇試過喺女伴M到期間曳曳嘅經驗時，瞬間獲得超過4,500百個回應，當中嘅男士都稱佢哋唔介意「衝紅燈」，只需喺床上鋪上毛巾，事後做足清潔工夫便可。咪以為呢班男人好自私，佢哋解釋因為女友喺生理期間特別想要，故此先至會做勇者，而呢個說法亦獲得參與討論嘅女網民認同，甚至有女網民稱，前男友因討厭佢每次生理期間至想曳曳而同佢分手。有男網民就話起初老婆好抗拒，但發覺喺生理期間曳曳，有助紓緩經痛。不過，有男網民卻稱縱然男女雙方都享受過程，但完事後若然男方清理得唔夠乾淨，或者整污糟張床單，便少不免被女方鬧，因佢已試過好多鑊喎！