有性趣：巴西夫妻親證性愛減肥法

過去有唔少性學家講過性愛減肥法，但唔多見有真實案例，難怪自從有對夫妻喺OnlyFans分享如何靠性愛嚟減肥，立即成為網上熱話！

現年31歲嘅森巴女郎Bella Mantovani，同丈夫Vagner O Fera係一對靠拍攝成人影片搵食嘅拍擋，自從今年4月喺OnlyFans開設帳號，人氣好似直升機咁爆升！早排，呢對夫婦接受英國媒體訪問，被記者問到身材因咩事比4個月前Fit咁多嗰陣，透露用咗「兩小時性愛減肥法」嚟收身，具體做法係每個星期曳曳4至5次，每次時間約兩個鐘。Bella Mantovani話，按呢個規律享受性生活，可以令夫妻感情變得美滿，亦有效消耗卡路里，只係3個星期已減咗1公斤。至於身為丈夫嘅Vagner O Fera就話，自從實行「兩小時性愛減肥法」，唔止體能好咗，持久力仲勁咗，試過最長做足160分鐘，而佢嘅目標係做足6粒鐘，兼且喺9月底前再減5公斤，希望佢會成功啦！