有性趣：埃及風酒店爆房

位於日本大分縣別府市嘅愛情酒店「J ZAURUSS」，雖則話係爆房性地，但係佢嘅設計卻主題性十足，單係酒店外觀就勁有森林Feel，而店內唔單止有三角龍同吉普車，仲有翼龍添！事實上，酒店本身係以侏羅紀公園為主題，而佢嘅房間亦有唔同風格和主題，好似401號房就以埃及風格為主題，房內唔單止金光閃閃，大床嘅床頭兩邊更擺放咗兩副金色木乃伊棺木，仲有古埃及文字做點綴。如果覺得金光太閃，影響情慾感覺嘅話，房內仲有調校燈光嘅按鈕，可瞬間變成激情無比嘅紅色燈光，至於房價為每2小時5,880日圓起（約314港元起），唔知大家有冇興趣呢？不過小弟就覺得喺呢間房曳曳嘅話，好似畀左右兩個木乃伊望住咁，硬係周身唔聚財囉！