有性趣：想溝女？AI幫到你

由意大利戀愛教練Salvatore Damiata所領導嘅AI約會服務程式「Attraction Truth」團隊，為研究AI能否令男士約會成功率提升，搵嚟1,371名嚟自多個國家嘅男士進行調查，結果發現當中有20%嘅受訪者，認同使用AI聊天程式所編寫嘅個人介紹，能有效地提升約會成功率。此外，有37%嘅男士稱喺網上跟女士聊天時，透過AI嘅運用令佢哋面對異性時更有自信，另有24%嘅男士表示能令自己嘅諗法更有效地傳達。雖然研究結果正面，但Salvatore Damiata坦言關於AI喺約會上嘅應用唔止咁少，佢嘅目標係希望為男士提供更具個性化嘅服務，令每位使用者都能表現出真我。不過話說回來，若然成功約到女仔出嚟，習慣用AI傾偈嘅男士，會否更不知所措呢？