宅男天地：風流勇者再戰惡魔

化身勇者同惡魔決戰，身邊有無數女伴打氣，生活仲要係夜夜風流，咁精彩嘅人生係咪好想體驗一下？講緊嘅係十八禁遊戲《天冥之征服者天上決戰篇》嘅劇情，呢款由Eukleia開發嘅SRPG遊戲，玩家唔單止要透過戰鬥嚟提升男主角同一班女戰友嘅實力，仲要識得利用床上運動嚟加強佢哋嘅默契同忠誠度，所以畫面大灑鹽花，非常誘人。

講番故事內容，話說身為勇者嘅男主角克勞斯喺之前嘅神魔大戰砌低咗惡魔，隨即展開新一輪冒險之旅，某日，佢同一班女戰士遇到自稱「拉米爾」嘅天使，對方想克勞斯等人幫手平定一處被惡魔控制嘅地方，但當佢哋加入戰團後，發現事情發展唔係咁簡單，最終劇情會發展成點樣，就由玩家決定。