有性趣：脫界天后戒自娛

脫星私底下會唔會自娛？梗係會啦！好似美國脫星Abella Danger就自稱每日都會自娛一次或以上，不過佢最近接受訪問時，卻話早已戒掉呢個習慣，究竟發生乜嘢事呢？

戀愛大過天

今年27歲嘅Abella Danger獲封為脫界天后，真係一啲都冇誇張，皆因喺2016年各大四仔頒獎禮上橫掃「最佳新進脫星獎」，亦係美國四仔史上首位達成呢個成就，而多年嚟佢攞過嘅獎項，更係十隻手指加埋腳指都數唔晒！不過呢位天后嘅私生活相當檢點，只靠自娛解決生理需要，但係早前佢接受網媒訪問時，坦言已經戒咗自娛習慣好耐，就連四仔都冇睇，原因係佢只想透過同男友曳曳齊齊獲得高潮！原來早前高調認愛嘅佢，跟律師男友拍拖後，唔單止減少演出，更積極轉型做網紅。問到係咪計劃引退時，佢並冇正面回應，只係話仍有留意脫界新聞，又話好想跟男友永遠喺埋一齊，真係戀愛大過天呀！