有性趣：G點之外仲有A點？

大家可能會覺得又G點又A點，存唔存在都未知，究竟係咪老點？事實上，今年42歲嘅性治療師Kate Balestrieri來頭不小，擁有心理學及性治療執照，可以話係性心理及性行為專家，經常喺網上分享性學知識。早前佢喺一段IG短片中，叫大家唔好掛住搵G點，嘗試轉換地方搵A點，佢位於蜜洞穹窿內嘅性感區，略高於G點，雖然佢唔一定會帶嚟性高潮，但會產生令人意想不到嘅興奮感覺，結果呢段短片獲得超過3千個Like，更有唔少網民留言問有冇有效方法可以容易搵到A點？不過Kate Balestrieri則未有回覆。而按照性治療師嘅講法嚟睇，要搵到A點，就先要搵到G點，之但係G點已經唔容易搵到，更何況要搵A點呢？唔通真係老點！