有性趣：愛丁堡男士最鹹濕

男人見到索女時，望多幾眼實屬正常，但從女性角度嚟睇，則認為係鹹濕表現。姑勿論如何，英國早前就進行關於當地邊個城市嘅男士，見到性感索女時最易出現性衝動嘅調查，依家即刻睇睇結果啦！

同天氣有關

據進行呢個調查嘅團隊表示，先畀受訪男士欣賞唔同性感索女嘅照片，睇吓佢哋有冇想同對方曳曳嘅衝動，結果發現最易出現性衝動嘅男士，第1位係嚟自愛丁堡，第2位係曼徹斯特，第3位係諾丁漢，然後順序落分別係卡迪夫、布里斯托爾、布賴頓、紐卡斯爾、倫敦等，排最尾則係利物浦。至於北部嘅男士最易春心動嘅原因，團隊認為因為天氣較寒冷，故此少有見着得性感嘅女士，所以當佢哋見到性感索女時，就會情不自禁心郁郁，邪念大爆發！