有性趣：蕩女被迫讀鹹古

今年24歲嘅澳洲性感網紅Annie Knight，自認無性不歡，故有蕩女之稱。閱男無數嘅佢，早前遇上一個騎呢男，令佢相當難忘，咁究竟有幾騎呢？

長達3小時

憑住一年內同300個男人上床紀錄，自稱為「澳洲性行為最活躍女人」嘅Annie Knight，早前喺網上分享遇到一個騎呢嘅男人，對方寄咗份3頁紙咁長嘅鹹古畀佢，然後要佢一字不漏咁讀出嚟，完成後對方會打賞500美元報酬。Annie Knight表示騎呢嘅地方，在於要讀完呢個鹹古，要花上足足3小時，故事講佢扮演男主角老友嘅老婆，對方上門幫手工作時，佢趁住老公出咗去，然後搭上老友鬼混。Annie Knight表示自己已非首次為網民讀出情色故事，更曾反串一個經常跟唔同女人曳曳嘅男人。不過有網民話相比Annie Knight所遇到嘅騎呢男，都只係碎料，因為佢曾經跟男士喺餐廳約會時，對方竟要求喺餐枱下面曳曳，真係誇張呀！