有性趣：呢種制服澳女最愛

情趣用品品牌Lovehoney為搵出女士最鍾情嘅制服答案，便對1千名澳洲成年女士進行調查，結果卻係出乎意料，皆因第一位竟然係消防員制服，有39%受訪女士認為呢種制服不但能凸顯男士雄風嘅感覺，英偉嘅外形更係令佢哋心動不已。至於第二位同樣令人意想不到，皆因佢就係獲得38%得票率嘅建築工人制服，即係裸露上半身加吊帶牛仔褲，有受訪女士表示呢種制服不但能騷出男士嘅結實肌肉，強悍嘅外形令佢哋春心蕩漾。之後嘅排名分別係醫生袍及機械維修員制服，不過當中最令調查團隊感意外嘅，竟然係農夫工作服都能夠打入前10名，澳洲女士對制服嘅口味真係幾特別喎！