有性趣：1個男人6個妻

喺IG擁有超過21萬粉絲嘅佢，有「自由戀愛網紅」之稱，而佢之所以咁受歡迎，除咗因為佢有6個老婆，而且每個都係風華正茂外，最重要係佢經常跟網民討論一夫多妻制嘅話題，其中最常被問及嘅就係佢點樣維持同6個老婆嘅關係。Arthur O Urso表示有3個重要守則，就係同老婆相處時要保持冷靜、遇上問題時要仔細解釋，而最關鍵係大家要互相尊重，彼此唔能夠禁止對方想要嘅生活。不過佢補充指，要好似佢咁大方討論一夫多妻制話題，並非易事，雖然佢急不及待一夫多妻制喺巴西合法化，但仍有好多偏見及避忌。有網民就問佢閨房生活應唔應付得嚟時，佢就話呢方面要互相配合，絕對應付得到喎！