有性趣：紅酒助性增濕潤度

據雜誌上發表名為「紅酒與男性性功能」嘅研究報告指，團隊回顧過去30年嘅研究，發現如果飲用適量嘅紅酒，不但能提升男士嘅性慾，更能令佢哋喺床上嘅表現更加強悍。團隊稱紅酒有咁嘅作用，在於佢含有一種叫多酚嘅抗氧化劑，可改善心臟及血管內壁嘅功能，增強血液流向身體其他部位，而男士嘅兵器亦係其中一個受惠器官。報告又指出，紅酒對女士亦有助提升性趣及改善性功能嘅作用。跟滴酒不沾嘅女士相比，每日飲用一至兩杯紅酒嘅女士，無論性慾定私處濕潤度，都有更明顯嘅效果，尤其對老年女性嚟講，效果會更加顯著。不過報告同時提醒大家，男女每周飲酒量不超過14個酒精單位（約1.5瓶紅酒），否則會對身體帶嚟負面影響。