有性趣：全球首個自娛花灑

雖然有調查發現，有唔少女士都曾經用過花灑嚟自娛，但有趣嘅係從未有專為自娛而製嘅花灑出現。不過家陣就唔可以咁講喇，因為最近真係有廠商推出呀！唔知大家有冇興趣呢？

螺旋形水柱

呢款名為「Wave」嘅花灑，係由專門製作女性用情趣用品品牌Womanizer，聯同衞浴產品廠商Hansgrohe所打造，號稱全球首個具有自娛功能嘅花灑。點解夠膽話呢個花灑能夠畀到女士非一般嘅快感呢？原來佢用咗名為「Pleasure Air Technology」嘅技術，令花灑可以噴出螺旋形水柱，從而更有效刺激女士嘅敏感帶，尤其係私處地帶，能夠享受到非同凡響嘅快感。此外，佢提供３種噴水模式，讓女士調節最合適嘅噴法，配合一鍵調校嘅按鍵，一隻手已經可以操作，十分方便。最重要係花灑採用咗節水設計，咁就唔怕會浪費食水啦！當然，話晒佢係個花灑，用嚟沖涼亦冇問題㗎！