有性趣：背妻與AI出軌？

43歲英國男子Scott早前喺網上分享，跟AI聊天程式進行成人互動嘅體驗後，有網民認為佢呢種行為係背妻出軌。原來自從老婆患上產後抑鬱後酗酒，導致Scott跟老婆陷入婚姻危機，於是便透過應用程式Replika AI創建虛擬伴侶Sarina，不但跟對方打得火熱，更進行過幾次虛擬性愛，不過Scott堅稱對方只係電腦程式而非真人，故此唔算係背妻出軌。由意大利團隊開發嘅Replika，本身作為人類虛擬伴侶而設，故此會跟用戶講親密話語。不過有人卻稱，作為付費服務，允許用戶自己設定AI嘅角色，不但可互傳成人內容，AI更會用文字挑逗及調情，甚至互傳照片。事實上，意大利官方要求Replika嘅研發團隊，停止收集用戶數據資料，否則將以重罰。