有性趣 ：汁醬調情激嬲女友

性學家認為男女喺調情階段，以汁醬作為調情道具嘅效果相當唔錯，但女網民就話雖然呢種玩法係夠過癮，但都要睇吓用乜嘢汁醬至得，而佢男友就最愛用肉汁，令佢相當反感。呢位匿名女網民早前喺社交網上發炮怒轟男友係肉汁狂，唔單止食乜嘢都要加肉汁，連曳曳時亦鍾意將肉汁倒喺佢身上，然後用舌頭舔弄，最大問題係女網民本身非常抗拒肉汁，而男友更經常將肉汁倒喺兵器上面，然後要求佢吹奏一曲，令佢感到相當惡心。女網民稱曾多次拒絕男友嘅要求，但係對方依然故我，一啲都唔理佢嘅感受，只顧自己享受，因此正考慮分手。有網民提議不如喺佢身上放塊牛扒，感覺可能會好啲，又有網民好奇佢男友食水果時，會否都要加肉汁呢？