有性趣：洗衣機變情趣玩具

事緣有人喺網絡論壇Reddit徵求大家見過設計最奇特嘅情趣玩具，隨即引嚟網民熱烈回應，只係當有網民分享咗一部洗衣機嘅圖片後，便引起大家熱議！皆因呢部以黑色皮革包裹、機頂上置有騎鞍嘅洗衣機，點睇都唔似情趣玩具，但原來佢大有來頭！出自英國視覺藝術家Dominic Wilcox之手嘅作品，2006年佢應一個以妓院為主題嘅展覽會邀請，設計出呢款名為「Orgasmatron 3000」外形古怪嘅情趣玩具，設計意念係嚟自洗衣機，喺乾衣時所產生嘅激烈震動，於是想出將騎鞍二合為一嘅情趣玩具，當女士騎上去後，可以透過調校機上四種不同嘅震動力，從而體驗無比快感，但佢就冇講到呢部洗衣機究竟有冇洗衫功能囉！