有性趣：「10-5-10」高潮法則

呢項由Janelle Howell博士提出嘅高潮法則，究竟係乜嘢意思呢？簡單嚟講，就係男士喺進行活塞運動前嘅三個環節。「10-5-10」中嘅第一個「10」，係指男士喺最初嘅10分鐘，將目標放喺女伴頸部以上嘅位置，即係耳朵、嘴唇、頸項等嘅敏感帶；至於「5」，則係將調情位置，集中喺女伴頸部以下，肚臍對上嘅地帶調情5分鐘。博士表示乳點不但可以喚起女士情慾，更能令私處進入興奮狀態；最後一個「10」，就係去到肚臍以下嘅位置，而調情方法唔止可以用手、口及舌頭，如果加埋情趣玩具嘅話，挑逗效果會更佳。雖然可能有人會覺得，單係前戲已玩足25分鐘，但博士卻稱呢條法則可令女士更易獲得性高潮，絕對值得一試。