昔日東方今夜一丁：武藤十夢 弗爆白滑胴體
日本藝能界有好多大型美少女組合，當中嘅成員成日都換來換去，被換走嘅原因，可能同實力欠佳有關，至於能夠留低，並且活躍多年就一定係實力與美貌兼備，好似剛剛從AKB48畢業嘅武藤十夢咁，就效力咗女團12個年頭喇！
秀色可餐
剛才提到AKB48，團體當中有好多出色且歌演皆精嘅美少女成員，就算佢哋畢業之後作單飛演出，一樣可以發光發熱，就好似轉投寫真界嘅永尾瑪莉亞、平田梨奈同大和田南那咁，至於武藤十夢亦剛剛從團體畢業，活躍度仲愈來愈高！
雖然佢今年已經28歲，但係面上嘅可愛氣息卻絲毫未減，加上五官標致，氣質清麗，確係秀色可餐。而且身材纖巧，弗得嚟上圍有斤両，件泳衣窄少少亦營造豐滿效果，加埋鮮嫩雪白嘅肌膚，呢副胴體絕對唔會比上述嘅AKB48成員差！
才藝出眾
武藤十夢嘅父親係80年代嘅演員武藤大助，喺父親嘅影響之下，令佢亦好想投身演藝界，女團喺2011年成功投考加入AKB48呢個大型女團當中，並以成員身份發展到今年3月，正式從組合中畢業轉作單飛發展。
雖然好多女團成員單飛之後搵唔到食，但係十夢就絕對唔會，因為佢擁有好多專業資格，包括氣象預報士、財務規劃師以及防災專家認證，所以傳媒經常都形容佢多才多藝。另外，十夢拍寫真一樣掂，早前推出嘅首本個人寫真集《とむもよう》就順利奪得寫真銷量榜冠軍。至於佢參演嘅電影《斷捨離天堂》亦好快會上映，睇嚟十夢唔做ABK48成員亦一樣大把路數呀！
Profile
年齡：28歲
身高：5呎2吋
三圍：33D-23-34
社交網站
武藤佢參與好多綜藝節目演出，從其社交網就可以留意到相關消息，亦可以留意到佢嘅寫真工作資訊。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
