有性趣：丈夫「椒」氣勃勃

憑住真人騷節目成名嘅26歲英國藝人兼網紅Melissa Tattam，近年夥拍另一藝人Sophie Habboo合作演出網絡節目《We Drink Wine On Wednesdays》，同網民談情說性。早前佢分享朋友嘅一件閨房密事，話說佢朋友抗拒同丈夫行房，原因係每次行房後，下體都會感到灼熱，因而以為自己感染咗性病，經醫生檢查後發現並冇受感染，因此佢便拎丈夫嘅精華素做檢查，結果發現精華素勁辣！原來丈夫係無辣椒汁不歡之人，以致精華素亦帶高濃度辣椒素。雖然Melissa Tattam咁講，但網民卻覺得佢吹水，亦有網民稱灼熱反應，應該係對乳膠過敏所致。