有性趣：首款生物降解震蛋

一件玩具玩得耐，難免會老化，甚至會被貪新厭舊嘅主人嫌棄，早前英國就有項調查指，每年被丟棄嘅情趣用品多達2.229億噸！喺呢個咁講究環保嘅年代，梗係唔可以接受，有見及此，英國女性情趣玩具品牌SheSpot喺早前推出一款聲稱係全球首款可生物降解嘅硬膠震蛋，名為「Gaia」。據生產商表示，呢款充電震蛋有多款顏色，由可生物降解及可回收物料製成，符合環保原則，而且可玩性相當高，擁有10種振動速度之餘，蛋身可防水，方便玩家喺浴室使用，而且長度唔夠4吋，易於攜帶，加上每件售價只係20英鎊左右，相當具吸引力。