有性趣：小器男坦白嘅下場係……

性學家經常話男士嘅兵器大細同長短，並非令女性獲得高潮嘅關鍵，又有調查指大部分女性唔介意男士嘅兵器短小，之但係如果有個小器男跟女伴坦白自己兵器短小嘅話，又會有乜嘢下場呢？

被女方取笑

早前有位匿名男網民喺網絡社區Reddit上發貼文，便引起唔少男士嘅共鳴。文中講佢天生兵器硬直時僅得3吋多，而佢係個堅持唔講大話，跟女伴坦白一切嘅男人，加上佢睇過唔少文章係關於女士唔介意男士嘅兵器長短，故此每次上床前，佢都會同女伴坦言自己嘅兵器很短小，結果令佢經歷過好多尷尬嘅時刻，例如被女方取笑、對方驚訝到叫咗出嚟，甚至遇過有女伴即刻拎手機出嚟影相等。有網民問佢點解唔隱瞞，但佢認為咁做係冇意思，因始終有日對方會發現真相。雖然呢位男網民嘅經歷極差，但同時獲得唔少同病相憐嘅網民支持，仲話希望大家將來都可以搵到真愛！