世界Cup：I奶青山光巨彈貓女郎

十年人事幾番新！喺競爭激烈嘅日本寫真界打滾，能夠企得住腳已經唔係泛泛之輩，更何況出道十年依然人氣不減，好明顯有佢嘅過人之處，人稱「I-級貓娘」嘅青山光就係最佳人辦。2013年踏足寫真界嘅光妹，擁有一副不老童顏，淨係嗰對誘人嘅貓眼，閃亮帶神采，已經夠晒可愛。更難得嘅係佢嘅身材更勝從前，肉地結實咗，好有健康美，胸前對純天然肉彈又大又挺，加埋纖幼嘅腰肢同光滑嘅肌膚，呢副胴體真係冇得輸！

睇番光妹出道之後嘅事業發展又確係一帆風順，初期已贏得「專業人士選出偶像DVD大獎」嘅新人獎，又試過喺「櫻丘朱古力」、「YJ DREAM GiRLS」等美少女組合入面佔一席位。另外，光妹醉心動漫電玩，經常喺呢方面發表獨特見解，得到唔少宅男嘅支持，而佢亦順勢做埋網紅，除咗直播打機、介紹動漫周邊商品之外，得閒仲會玩Cosplay，扮演性感動漫角色。咁識得搵機會展現自己嘅性感本錢，難怪光妹嘅寫真事業長做長有。

家陣已經29歲嘅青山光，顏值一啲都冇走樣，雙眼好似貓眼一樣明亮精靈，惹人憐愛，所以獲得「貓娘」呢個稱呼。

Cup數：I

養眼度：★★★★

噴血度：★★★★

評語：堅挺得嚟極具彈性，輕力一夾即露出誘人且深長嘅事業線！

雖然青山光已經上咗位，但依然好熱衷出席攝影會活動，登入佢嘅社交網，就可以知道佢嘅最新動向。

網址：https://twitter.com/hikaru06kon

撰文：賢