有性趣：四仔片場內玩多過做？

今年27歲嘅Abella Danger，早喺2014年出道，多年來於各大四仔頒獎禮獲得多個獎項，直至上年宣布引退。早前佢喺網上接受訪問時，被網民問到四仔拍攝現場係點時，佢笑稱大家唔好有太多幻想，實情係玩多過曳曳！每日拍攝四仔嘅時間約8小時，而每個脫星同男優肉搏時間唔超過45分鐘，故此喺片場好多時佢哋都會坐喺度休息，或者喺度玩。至於有乜嘢玩呢？佢就話通常係更新IG動態或傾偈，如果片場有波枱就會篤波。事實上，社交網擁有超過9百萬粉絲嘅佢，憑住分享拍攝現場嘅影片而獲得極高人氣。引退後，佢嘅生活同樣精彩，不但喺成人社交平台OnlyFans為會員提供全裸寫真，仲會定期喺一間脫衣舞俱樂部演出添！