有性趣 ：Push Up膠帶連升幾Cup

呢款名叫「Boobs Tape」嘅膠帶，據稱高黏度、透氣、防水及有親膚嘅功效，有多種顏色選擇，貼喺身上可起到隱形效果，配合唔同嘅黐貼方法，更能令胸部有升Cup效果，隨時由A Cup升至DD Cup！而佢最適合運動、游水、派對等多種場合使用。有男網民便覺得奇怪，做運動點解要為胸部升Cup？有網民則覺得胸部黐滿膠帶，做動作會更加唔方便，亦有人認為坊間有唔少胸墊等產品，點解要用到膠帶？有女網民就解釋，因為一般胸墊唔適合跑步使用，隨時會有跌墊嘅風險，如果要兼顧運動又要有睇頭，呢種膠帶就啱晒，唔知大家又點睇呢？