有性趣：靠想像力會更High ?

早前有英國有調查發現，有超過9成嘅男女都有自娛嘅習慣，當中唔少人都習慣邊睇成人影片邊自娛。不過美國性學家Sarah Riccio就表示，呢種做法會影響高潮感覺，原因在於睇住影片嘅話，會分薄大腦嘅創造力，結果會令快感度降低，建議應該靠想像力。Sarah解釋透過想像，去喚起身體嘅情慾反應，感覺會變得敏感而真實，尤其係對有性經驗嘅男女嚟講，呢種做法更有助喚醒過去性愛嘅回憶，加上想像時，大腦嘅前額葉皮層會變得活躍，因而令快感度變得更高。不過，Sarah並冇否定成人影片嘅作用，若然用佢嚟作為前奏，當喚起情慾反應後再靠想像力完事，效果亦相當唔錯。