有性趣：偷拍驚魂女廁格現螺絲針孔鏡頭？

早前日本有女網民表示，喺JR大塚站嘅商場2樓洗手間內，發現廁格牆上有多粒可疑嘅螺絲，正好對正如廁嘅位置。好奇之下，佢便去另一廁格睇吓，發現牆上並冇螺絲，於是喺網上發文叫女士們要小心。有網民實地求證後發現，原來係虛驚一場，該幾粒螺絲真係用嚟固定用，而商場為免引起女士不安，即時用膠紙將螺絲封住。商場反應之快固然獲網民稱讚，但有網民稱，市面確係有螺絲針孔鏡頭出售，如果唔細心留意嘅話，真係好難分辨真定假，故此雖然呢件事只係虛驚一場，但無論女士定男士，去洗手間時仍要無時無刻保持警覺。