有性趣：脫星被封帳號呻不公

現年44歲嘅美國人氣熟女脫星Cherie DeVille，除咗所演嘅四仔大受歡迎外，其兩個社交平台合共超過460萬粉絲，佢更同時經營OnlyFans及Pornhub等帳號，為會員提供寫真及影片。不過早前佢發文指，發現唔少平台對佢嘅帳號諸多限制，甚至由於佢所分享嘅自拍照太性感而被封帳號，但係其他同類型嘅名人帳號卻從未被封。佢又指Pornhub亦停止過佢嘅帳號，但同樣影片卻喺OnlyFans一啲事都冇，亦因為咁，對佢嘅收入有相當大嘅打擊。其實又唔怪得啲平台咁做，自從唔少禁黃法案推出後，對呢類平台嘅規管嚴格好多，咁對呢啲靠平台搵食嘅成人內容創作者嚟講，確實唔係咁友善。