有性趣：AV迷哀嚎三上悠亞引退

呢幾日唔少男士都冇晒心機，理由係日本AV天后三上悠亞喺近日出片宣布引退，話自己會喺今年8月，即係踏入30歲嘅時候正式告別AV界，呢個消息確係對好多AV迷造成極大打擊，難怪心情跌入低谷。

出身於SKE48嘅悠亞，樣靚身材正，又有前藝能組合成員背景，所以喺2015年一宣布拍AV，即時引起各界哄動。雖然之前有唔少批評指悠亞嘅演出死板，但係近年嘅佢，表現已脫胎換骨，床技仲愈嚟愈上乘，最難得係佢升Cup成功，上圍差唔多大咗成個碼，吸引力可以話係有增無減！只可惜，有消息話悠亞早喺上年已萌生退意，而且原因有可能同經理人逼得佢太緊有關！點樣緊法？據聞經理人一方為咗賺盡啲，要求悠亞定期開粉絲見面會，又要佢盡量控制飲食以保持體態婀娜，再加上拍AV其實都幾辛苦，搞到佢有急流勇退嘅想法。呢次悠亞講得出口，應該冇彎轉，只希望佢喺臨別前留低幾部精彩作品，畀一眾粉絲留為紀念啦！