昔日東方今夜一丁：烏國直播主肉女打機睇到眼凸
有冇喺網上睇過人哋嘅打機直播呢？如果你係遊戲迷，相信都睇過唔少呢類片，有位女打機好手Meulin，做咗直播主短短幾個月，已經吸引到過萬人捧場，理由好簡單，佢有好多支持者都係醉翁之意不在酒，純粹被一副火辣身材迷到暈陀陀。
有樣有身材
自從網上直播平台出現後，打機成為其中一種受歡迎嘅題材。早期做得呢啲直播嘅主持，無論男女都係打機高手，否則連關都過唔到，邊個會有興趣睇？問題係多咗人搞打機直播，要突圍而出真係唔容易，於是網上湧現一班打機唔算超勁但就有明星相兼肯賣弄性感嘅主播。好似來自烏克蘭，今年23歲嘅Meulin，就屬於有樣有身材嗰類主播，每次喺網民面前打機，都會着到好Sexy，最緊要係打機技術相當好，難怪喺去年12月開始直播至今，佢嘅IG已有過萬人Follow！
當Coser殺出錢途
隨住Meulin嘅人氣愈嚟愈勁，開始有人對佢嘅過去感興趣，而佢喺呢個時候決定玩自爆，將自己曾經係一名性感女Coser嘅背景公諸於世。
話說Meulin早喺18歲已參與Cosplay活動，一來本身係電玩迷，二來因為有次打機輸咗，要喺Cosplay活動上以性感造型登場嚟找數，現場觀眾畀出熱烈嘅反應，令佢獲得前所未有嘅成功感，自此之後就成為歐洲最活躍嘅性感女Coser之一。值得一提，Meulin起初冇將自己嘅性感Cosplay寫真放上網，後來有人覺得佢好嘥料，於是作出游說，最終喺網上開設社交帳號，公開自己性感嘅一面，並成功躋身網紅行列。
社交網站
能夠喺短短幾個月之間，獲得過萬網友Follow，Meulin嘅吸引力確係勁，睇番佢喺社交網發布嘅靚相，簡直性感到爆，而佢更加食住個勢，開設埋OnlyFans帳號呢！
撰文：魂
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
