今夜一丁：Higashi 保持神秘露得更High

有人話女人要保持神秘，咪主動勾引男人，因為神秘感係一種吸引力，令人摸不着更猜不透，就好似性感女網紅Higashi咁，憑住神秘嘅背景，加上火辣身材同可愛萌味，令人氣飆升。

比賽冠軍

寫真有好多款，有啲主打靚樣，有啲大騷身材，而Higashi嘅寫真就主力誘惑十足嘅造型，事關佢唔單止樣子甜美可人，加埋玲瓏浮凸嘅身材，難怪能成功吸納超過42萬粉絲。

除咗喺社交平台上分享嘅寫真夠養眼外，作為資深性感女Coser嘅佢，演出經驗更非常豐富，早喺2018年憑住攝影模特兒比賽而踏足模特兒界，因為樣貌萌味十足，身材又前凸後趷，而且佢亦係一位日本ACG迷，故此出道後參與過眾多Cosplay活動，並喺2020年嘅越南漫畫節中奪得Cosplay冠軍，令人氣直線飆升。

多方揣測

人紅自然惹人注目，唔少網民都非常好奇Higashi嘅背景，只係翻查資料後，卻發現關於佢嘅背景資料近乎零，僅搵到佢以往嘅演出經歷而已，至於佢嘅出生地及年齡等基本資料統統都冇，相當神秘。

有網民指從佢曾經參加過越南漫畫節嘅Cosplay比賽，所以猜測佢應該係越南人。不過，亦有人話佢嘅英文講得相當流利，有可能喺外國讀過書。而關於佢係邊個國家嘅人，雖然有唔少網民喺社交平台上問過，但一直都冇得到佢嘅回應。姑勿論如何，佢喺網絡同Cosplay界都人氣高企，最近仲開設埋OnlyFans帳號盡情分享裸露寫真，火速吸引過萬粉絲，呢啲咪係神秘感所帶嚟嘅魔力囉！

社交網站

無論Higashi係邊個國家嘅人，網民歸根究柢只係關心一點，就係佢仲有冇更性感嘅Cosplay寫真分享？呢層當然唔使擔心，因為仍處於事業高峰期嘅佢，露出度更高嘅寫真仍陸續有嚟呀！

網址：https://twitter.com/KawaiiHigashi

撰文：魂

第一手消息請下載on.cc東網 iPhone/ iPad/ Android/