昔日東方今夜一丁：大和田南那 愈戰愈勇喜弄球
日本寫真界每年都有好多新人湧現，所以寫真女優能夠演出10年，確實係唔容易。大和田南那雖然年紀輕輕，但已經出咗道10年，除咗星味日見濃烈，身材仲愈來愈正添！
清麗健美
唔少寫真女優都將寫真界當成踏腳石，利用自己好身段拍攝寫真成名之後，就會轉戰影視界拍劇同拍電影，到有番咁上下成績，就會同寫真界講拜拜，好似小倉優香、小池榮子、壇蜜就係咁喇。但其實作多線發展一樣可以成功，好似大和田南那就係最佳人辦。
今年23歲嘅佢，氣質清麗脫俗，笑起上嚟更係甜美迷人，所以上年喺美國電影評論網站TC Candler獲選「全球百大美女」第88名。而那妹嘅身材亦相當吸引，勻稱之餘上圍亦有睇頭，勤做運動收身之後，身段比以前纖巧而且肌肉結實，多添一份健美感。
系出名門
南那可以稱得上系出名門，因為佢喺2013年成功入選超人氣大型美少女團體AKB48，由於甜美可人又有活力，所以上位相當快，加入團體翌年更獲選去拍電視劇《水手服喪屍》，而其他影視作品亦相當多，包括劇集《富津接連殺人事件》等。
另外，佢亦同其他師姐一樣拍埋寫真大Sell青春肉體，更被封為磯山沙也加接班人添！唔經唔覺，今年已經係南那出道嘅10周年，佢表示冇諗過會喺藝能界做咗咁耐，未來將會繼續努力作多方面發展。最近佢就忙於演出舞台劇，當中佢會表演玩波波，不過唔係自己嗰對，而係玩棒球，因為套劇以棒球為主題，希望佢演出順利啦！
社交網站
大和田南那工作忙碌，呢頭拍完寫真，轉頭又去做舞台劇，如果想緊貼佢嘅最新動態，就要睇實佢個社交網喇！
Profile
年齡：23歲
身高：5呎3吋
三圍：33D-24-34
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
