有性趣：脫星高潮真定假？

早前英國人氣脫星兼成人網紅Rebecca Goodwin，喺訪問中坦言自己喺片中嘅高潮反應都只係演技而已。今年28歲嘅佢，憑性感形象喺社交平台擁有超過410萬粉絲，更喺會員收費平台OnlyFans每月賺取7萬至13萬英鎊，帳號開設至今已賺取超過250萬英鎊，相當和味！訪問中，被主持問到佢喺四仔中有冇真係性高潮，並對男脫星是否有感覺？佢坦言自己唔係一個性慾高漲嘅人，故此四仔演出只係表演，而私底下佢更唔會同工作以外嘅男人曳曳。Rebecca又指因職業關係，故此一直單身及冇諗過拍拖，否則只會跟對方鬧交，分手收場。