有性趣：飲汽水蛋蛋變大？

先睇吓呢個內地嘅研究講乜先，據西北民族大學喺《內分泌學報》發表嘅研究報告上指，團隊將實驗老鼠分為三組，一組飲清水，另一組飲加入咗汽水嘅水，最後一組只飲汽水，然後喺測試第1、5、7、10及15日，為老鼠進行驗血及量重睪丸，結果發現飲汽水嘅老鼠，相比另外兩組嘅睪丸會變大及變重，因此睪酮濃度亦增加，而睪酮濃度高咗，其中一項係刺激男士性慾及提升雄風。不過報告一出就惹嚟質疑，有人認為團隊忽略汽水當中嘅糖分及其他成分，會大幅降低男士嘅生育能力，亦有人指曾有研究報告指，咖啡因至係促進睪銅分泌嘅重要因素。