有性趣：點解Game盒咁香艷？

喺今時今日遊戲數位化並可以下載嘅年代，竟然有人仲會買Game盒嚟存放遊戲碟，仲話當中大有商機，究竟邊啲人會買呢啲Game盒呢？

得個殼都搶

美國電玩直播主Patrick Klepek早前發貼文指，佢喺網上搜尋《Resident Evil #4 Remake》（港譯：《生化危機 #4 重製版》）嘅推出日期時，意外發現網購平台上竟有商家發售佢從未聽過嘅《Resident Evil: Village》，由於遊戲封面上嘅女郎造型性感，有別以往呢個系列嘅封面，故此佢就好奇Click入去睇吓，卻發現原來只係得個盒，商家註明當中並冇遊戲碟。之後，有網民稱其實唔止呢款Game盒，仲有其他封面更加大膽、更火辣嘅Game盒，每個售價由30港元起，有網民就話價錢一啲都唔平，證明呢類二次創作嘅香艷Game盒應該有市場。不過亦有網民質疑，邊啲人會用呢啲名不副實嘅Game盒嚟放Game呢？