有性趣：老蚌生珠經手人僅19歲！

經常有疑問日本AV嘅「七十路」、「還曆」等阿嫲級女優系列，係咪真係有人睇？家陣終於有答案，因為意大利不但有個76歲老婦能夠老蚌生珠，經手人更係同佢年齡相差57歲嘅男友，真係奇聞呀！

惹網民懷疑

擁有30萬粉絲嘅19歲意大利男網紅Giuseppe D'Anna，早前宣布其76歲嘅女友Milina Gatta懷孕，並喺社交平台上分享陪女友去診所做身體檢查嘅照片。消息傳出後，即時引嚟網民熱議，唔少人質疑佢女友年齡連更年期都過埋，根本冇可能會懷孕，亦有網民懷疑成件事係造假，甚至懷疑兩人係咪真係情侶關係添。雖然受到唔少網民非議，但Giuseppe D'Anna卻一於少理，喺社交平台分享跟腹大便便嘅阿嫲級女友成功求婚嘅相片及影片，仲深情留言指對方係最愛。其實早喺去年5月公開嫲孫戀嘅Giuseppe D'Anna，當時已惹嚟唔少質疑，唔知大家今次又點睇呢？