昔日東方喜雙飛：爭「峰」相對 甜椰椰鬥火辣辣
靚女笑得甜美，索女着得火辣，兩個都擁有前凸後趷嘅迷人身材，難分高下，邊個更得你歡心？講緊嘅係同樣嚟自泰國嘅性感網紅Manita Akair同Missy Taewsri，今次一於嚟個比併，睇吓邊個魅力最強！
雪白甜美
俗語有云「一白遮三醜」，只係佢本身樣靚五官標致，身材更係有前有後，加埋一身白滑肌膚，咁高質嘅外形係咪勁正先？好似呢位現居於泰國曼谷嘅Manita Akair就係最佳人辦，而佢嘅笑容更係甜到令人心動，絕對係男士心目中嘅女神。
作為一位性感網紅，當然唔可以吝嗇迷人嘅身材，因此有睇過佢喺社交平台上所分享嘅性感寫真，便會發現全部都係露肉度高嘅福利照，更擺出養眼撩人嘅甫士，真係睇到人流鼻血，不過佢嘅笑容夠甜美，令人睇落一啲都唔覺得低俗，正係憑住呢種迷人仙氣，令佢成功爆發超高人氣。
Manita Akair
年齡：24歲
身高：165cm
三圍：34F-23-35
妖媚勾魂
可能喺唔少人眼中，做得性感網紅嘅都係身材火辣，咁點解要強調辣味十足呢？因為講到辣妹，除咗指佢哋身材玲瓏浮凸夠火辣外，仲要加埋佢哋嘅氣質及演繹，可以畀到男士一種震撼嘅感覺，呢種至能夠稱得上正宗辣妹，其中就有呢位火辣辣嘅Missy Taewsri係100%代表喇！
喺成為網紅之前，佢本身係一位時裝模特兒、賽車女郎及車模，一向以性感造型示人，最鍾意着低胸露乳溝嘅服裝，成為攝影師爭相拍攝嘅對象，喺泰國模特兒界擁有相當高嘅人氣。因為佢好鍾愛去旅行，便開設社交帳號分享旅遊相，憑住性感迷人又誘人嘅表情，令佢火速爆紅，成為現今炙手可熱嘅性感網紅。
Missy Taewsri
年齡：25歲
身高：167cm
三圍：36G-24-36
第1回合：鬥性感
如果論性感嘅話，兩女可謂無分軒輊，好似Manita Akair嘅一輯廚娘寫真，巨峰側漏嘅魅力，令人睇到流晒口水。至於Missy Taewsri嘅寫真性感度亦不遑多讓，下下露出胸前深溝，吸睛度令人一見難忘。
第2回合：鬥身材
Manita Akair同Missy Taewsri都擁有正宗S形嘅身材，但如果論胸器嘅話，Missy Taewsri嘅G Cup車頭燈都有睇頭，加埋一對修長美腿更係冇得輸。
第3回合：鬥甫士
Manita Akair甜美迷人，Missy Taewsri則妖媚艷麗，有人話兩者並非同一類型，好難比較。其實從佢哋嘅甫士，睇吓邊位擺得最誘人便可分出高下，而從呢點嚟睇，模特兒出身嘅Missy Taewsri的確稍勝一籌。
Report：平分春色
雖然Manita Akair以甜美笑容，加上雪白肌膚令男士心動不已，但Missy Taewsri嘅豪放形象，加上誘人胸器，同樣極具吸引力，因此老土啲都要講句，兩女可謂平分春色，打和呀！
撰文：魂
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
