有性趣：失蹤女優終蒲頭！

做人最緊要有交帶，最忌神龍見首不見尾，粒聲唔出走咗去唔知邊度，要人哋擔心，實在太唔應該！早前喺日本AV界就有女優臨時失場，甚至失埋蹤，佢就係來自老字號AV廠KMP嘅七瀨愛麗絲。呢位新紮癡女唔止係該片廠嘅專屬女優，仲被提升為社長室室長，以呢個掛名職位負責做宣傳工作。

喺上年11月13日，愛麗絲本來要出席一場攝影會，但係夠晒鐘都唔見人，而最令人擔心嘅係，佢之後一直潛水，冇晒消息，所以事件惹來唔少揣測，有人話佢可能有咩意外，亦有人話佢突然鬧情緒玩失蹤，連台灣媒體都有報道，花生指數極高。直至舊年12月尾，愛麗絲終於蒲頭，社交網開始有更新，原來佢話之前唔見咗人，只係身體唔舒服，經過休養之後已經回復狀態，可以繼續拚搏咁話，希望快啲可以睇到佢嘅新作啦！