有性趣：絕色美人變檸檬？

一如以往，喺過去嘅一年，AV界有唔少女優引退，包括天后級人馬花蕾同市川雅美，令一眾AV迷依依不捨，但其實所謂「引退」有可能只係為咗小休或轉會，就好似喺舊年離開AV界嘅楓可憐，竟然喺近期回歸，真係令人好期待。

2018年以IDEAPOCKET專屬女優身份出道嘅楓可憐，個樣生得靚，身材又弗到爆，係片廠為慶祝成立20周年嘅重點推介，加上佢嘅演出有水準，扮起癡女時夠姣又夠狼，深得唔少AV迷嘅歡心，仲喺「2021現役AV女優SEXY總選舉」中獲票選為第9位添！雖然阿妹喺去年決定引退，但原來只係短暫告別，事關有人發現佢改用「田中檸檬」呢個新藝名，再次蒲頭，其所屬嘅事務所仲好搞笑咁喺社交網上載咗兩張檸檬相，相信唔使等好耐就會睇到檸檬妹嘅新作！