有性趣：永遠榮譽處女 退役陪愛貓

唔知大家有冇同感，以前啲AV女優好少透露自己嘅出身同生活狀況，引退之後就好似人間蒸發一樣，消聲匿迹，但家陣嘅情況好唔同，唔少女優喺退役後依然好活躍，以高樹瑪莉亞為例，佢就經常喺電影中出現。至於上年4月引退嘅「永遠榮譽處女」花蕾，就喺最近接受訪問，分享自己離開AV界後嘅生活點滴。原來花蕾話自己引退後冇結婚，只係搬咗去距離東京兩、三個鐘頭車程嘅鄉郊地方定居，同愛貓相依為命，得閒會彈吓琴，睇嚟生活得幾開心吓。