今夜一丁：韓妹賈路美 大Bra邊度買?

Bra唔可以亂咁買，一嚟要啱胸形，二嚟要有承托力，否則有可能令雙乳下垂。事實上，日本有唔少巨乳女優都為買Bra問題而煩惱，所以韓妹賈路美能夠喺網上崛起，絕對係有迹可尋。先講吓呢位網紅有乜咁巴閉，登入佢嘅社交帳號，你會發現留有一頭長髮嘅佢，頭細身大，睇落有啲唔合比例，特別係嗰對巨乳大得誇張，襯埋性感度爆晒燈嘅水着，真係睇到人擘大口得個窿！

不過，有別於其他賣弄性感嘅女網紅，賈路美最初開設社交帳號時，粉絲竟然係以女性為主，原因係佢哋好想知呢位大波妹去邊買Bra！面對一眾女粉絲嘅查詢，賈路美坦言佢嘅上圍尺寸要喺外國先搵到啱Size嘅胸圍，所以只能夠透過網上訂購，亦因為呢個緣故，過程花咗唔少冤枉錢，原因好簡單，因為冇得親身試戴完至買，所以好易入錯貨，結果屋企儲埋大堆唔啱戴嘅Bra，差唔多霸佔咗半個衣櫃。

其實賈路美覺得買Bra唔算係最麻煩，反而買泳衣先係佢嘅頭號煩惱，理由係佢副巨乳太巨大，跑步同踩單車都唔係好適合佢，加上本身冇乜興趣玩健身，游水變咗係首選運動。之但係要買到一套合適嘅泳衣，難度比起買Bra仲要高，亦因為咁，佢曾經諗過裸泳，只係試過之後，發現唔着泳衣仲阻水，游得仲辛苦喎。不過，作為網紅嘅佢，呢啲問題絕對係幸福嘅煩惱！

社交網站

賈路美憑住超誇張嘅身材，喺網絡上爆紅，但佢話煩惱亦由此而起，事關每次影相放上網，總會花上唔少時間搵靚衫，想知效果如何？登入佢嘅社交帳號就可以慢慢欣賞。

網址：https://www.instagram.com/garogaromi/

撰文：魂