男極圈

今夜一丁:磯山沙也加 日本一親切巨胸

要喺娛樂圈搵食,最緊要人緣好,只要有人撐,自然有嘢撈,否則,無論生得幾靚幾索,都可能長期坐冷板櫈!喺日本寫真界,有位資深女優出咗名夠親切,所以多年嚟都好有觀眾緣,佢就係享有「日本一親切以及受喜愛藝人」呢個稱號嘅磯山沙也加。
出道逾廿年
當一個人嘅年紀開始大,新陳代謝會慢咗,身體機能亦會差咗,所以顏值同身材好易走樣,但喺日本寫真界會見到唔少「反常」例子,明明年紀都唔細,但個樣睇落仲靚過後生嗰陣,身材就更加愈嚟愈弗,真係唔到你唔寫個服字!正如今日為大家介紹嘅磯山沙也加,出道拍寫真超過20年,家陣已經39歲,不但冇流露出絲毫老態,每次出鏡都容光煥發、明艷照人,仲帶有一股令人火氣全消嘅親切感,被稱為日本一親切藝人完全冇誇張。身材方面,沙也加可以話係愈嚟愈弗,冇咗以前嘅肥胖感之餘,胸前對F奶仲好似脹過以前,肌膚亦變得更為白滑,比起好多年輕寫真妹更加吸睛。
再做女主角
沙也加喺2000年展開寫真女優生涯,連寫真天后杉原杏璃、熊田曜子同山崎真實都要叫佢一聲師姐!雖然沙也加唔似呢班後輩咁經常能引起話題,但就比佢哋更早成為電視圈嘅寵兒,頻頻喺旅遊、體育、綜藝節目中亮相!話時話,沙也加特別受到棒球節目歡迎,原因係佢受家族影響,自細就係球迷,讀中學嘅時候係棒球部話事人,又曾經係日本職棒隊伍東京益力多燕子隊嘅代言人,所以被封為「棒球狂偶像」。
最近沙也加喺幕前好活躍,早前播出嘅大河劇《鎌倉殿の13人》就見到佢嘅古裝扮相,而喺今年夏季上映嘅電影《愛のこむらがえり》入面,佢仲吐氣揚眉擔任女主角,真係可喜可賀呀!
Profile
年齡:39歲
身高:5呎2吋
三圍:35-24-34
社交網站
家陣磯山沙也加喺影視圈相當活躍,想知佢有乜嘢最新動態,瀏覽佢嘅社交網,就會一清二楚。
撰文:賢
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500