有性趣：純素套套更安全？

據性愛與兩性關係專家Pippa Murphy稱，傳統安全套由乳膠製成，但當中卻含有動物衍生材料，而純素安全套則以植物及種子中嘅蛋白質，及甘蔗中嘅乳酸等天然成分製成，而且佢比傳統嘅乳膠製安全套有幾項優點。第一，所用嘅矽基潤滑劑，比傳統安全套所用嘅更有潤滑感，曳曳時更舒服；第二，冇難聞嘅乳膠氣味外，製作時更能進行調味；第三，因冇乳膠成分，即使對乳膠過敏嘅男女都啱用；第四，以純天然成分製成，生物降解嘅速度更快，有利於生態環境；第五，由於並冇用上甘油，所以使用時冇咁易破裂。唔知大家有冇興趣試吓呢？