有性趣：事前事後要小便？

呢個調查訪問咗1,003名英國男女，結果發現有47%嘅女士，以及33%男士曾經喺曳曳時出事，其中尤以25至35歲嘅男女最易出意外。至於最常發生嘅意外，首位係曾發生喺33%男女身上嘅瘀傷，致傷原因在於粗暴嘅吻痕、打屁股及動作激烈而撞親；其次係31%嘅地氈擦傷，原因好簡單，唔少人太高估地氈嘅舒適度；第三位係有29%受訪者事後出現尿道感染，原來女士喺性事前後小便，可減低尿道感染嘅機會，但男士就應該喺曳曳後最少15分鐘至小便，否則尿道易受細菌感染。調查又發現，有18%嘅女士因伴侶動作粗暴，或錯誤使用情趣玩具，以致陰道撕裂，另有8%嘅男女曾出現肛門撕裂，至於原因相信大家應該都估到。