有性趣：三人行挽救婚姻？

話說早前有位英國女士寫信畀兩性專家Jane O'Gorman，請教對方如果佢願意同另一位女性，跟丈夫嚟次床上三人行，會否挽救到佢嘅冇性婚姻。據當事人稱，雖然佢同丈夫嘅關係融洽，但係過去一年跟丈夫行房次數係零，每次佢提出曳曳要求，丈夫總以攰同冇心情為理由拒絕，甚至提出冇性婚姻嘅建議。當事人又稱，佢試過用情趣內衣、情趣玩具，甚至裸體誘惑，但丈夫都係零反應。後來有女性朋友酒後吐真言，想跟當事人兩夫婦玩三人行，於是佢便有咁嘅諗法。Jane O'Gorman回覆指，其實關鍵在於佢丈夫究竟係有心理定生理上嘅問題，而最重要係當事人跟丈夫係合法夫妻，冇必要將問題拖落去。此外，佢亦提醒朋友嘅酒後說話，並唔可以當真。